Despues cu GKMB na cuminsamento di aña 2017 tabata tin un index grandi di sangura, esaki a baha despues di un accion di spuit den barrionan segun Sr. Clayton Croes, director di GKMB.
Nan a tuma nota, cu despues die fumigacion intensivo cu nan tabata tin den diferente barionan y Aruba completo, GKMB a tuma nota directo di e caida den index. Indexnan ta importantisimo pa GKMB, e ta duna cifranan real, hechonan cu ta duna nan di conoce con halto e populacion di sanguranan ta.
Esaki ta depende di e trabao grandi y intensivo cu GKMB ta haciendo, di cas pa cas, tur e casnan sospechoso ta wordo bishita, yamadanan ta bin aden, unda cu ta compila un bulk di data, cu ta duna un bista den e geval, basa ariba dos mil adres cu e index a baha.
E index primario cu GKMB ta uza, ta duna un cifra basico di 4, pero aworaki e ta na 4.5 pa 4.7 , e ta keda halto, den sentido cu ta net na drempelwaarde, pero compara cu si tuma un index di Januari ora cu awa tabata yobe, cu e tabata na 30 den temporada di yobida, pa aworaki na 4 ta mira un progreso.
Poco poco e casonan di notificacion ta bahando, esey ta duna un alivio, e trabao cu GKMB ta duna su resultado, sin kita afo cu pueblo ta duna di su banda. Sr. Croes a enfatiza cu e cooperacion di pueblo ta keda social. E ta keda e tool mas importante den sentido, cu cu 25 trahado por haci hopi. Den region nan ta e mihonan, nan tin e material y e calidad pa haci e trabao. Pero pa haci e trabao na un nivel, mester cooperacion di comunidad.
Studiantenan ta bin pidi informacion, peticion pa charlanan. Por wak cu comundiad ta pidi GKMB su cooperacion cual ta wordo duna. Stagairenan di IPA a yuda e personal di GKMB cu un tremendo presentación, generico. Tur hende por uza esaki. Ta e idea pa uza esaki ariba rednan social di Departamento di Salud Publico. Tur instancia cu ta interesa pa haci uzo di e presentación aki, por haci esaki. Hunto cu e presentación ta bin tambe su flyer, e ta toca temanan di criaderonan cu ta encontra cual mester extra atencion. Tambe e sintomanan cu e doñonan di curpa mester por reconoce pa asina e bay su dokter di cas.
Pa cu e casonan mes di hende malo nos por baha esaki pa cual aki Sr. Croes ta splica kico mester bay pasa pa cu esaki. En cooperacion cu mundo of Caribe, Aruba ta bon para aunke semper por mehora. Y door di duna pueblo informacion y tambe haya e feedback pa sa unda mester mehora. Esaki ta importante. Si bo ta un departamento cu kier mehora, cu kier keda on top, mester di feedback y traha cu nan tambe.
Dia 1 di Juni, ta comienso di e temporada di horcan, pa cual GKMB ta bisa cu un parti esencial ta pa elimina tur tipo di obheto cu por bira criadero durante yobida, mester elimina esakinan. Tur e instancianan mester coopera, e iniciativa di Serlimar, di duna 20% di descuento, pa yuda tene Aruba mas limpi.
Sr. Croes un biaha mas a bisa cu e casonan caminda cu e index ta bahando, pero no a wordo elimina y ya caba mester tene cuenta cu e siguiente temporada di yobida. Pa loke ta material y personal, GKMB ta cla pe.
GKMB lo bay eleva e participacion comunitario. Organisa limpiesa nan dirigi ariba elimina criadero, acerca instancianan cu por yudanan grandemente, un Scoutin Aruba, Rode Kruis, gruponan di Misa, Federacionnan di Deporte. E no ta pa GKMB, pero pa Aruba completo. Si coopera ariba un scala mas grandi, cu GKMB so ta parti flyers. Si tin mas grupo envolvi, esaki lo haci un diferencia hopi grandi, segun Sr. Clayton Croes, director di GKMB.