Diadomingo anochi riba WVB fo’i Seroe Patrishi pa Cumana net riba e viaduct a sosode un accidente unda un kia sportage a dal robes patras den un hyundai accent. Ambos auto a para rib’e caminda di biaha.
E dama chauffeur den e kia sportage a baha y bay ataca e señora chauffeur di un hyundai accent mandando e limpi limpi y bira agresivo. Di biaha polis di trafico y roadservice a presenta, a constata cu e dama chauffeur di e sportage ta actuando straño y a pone supla pa test alcohol y a surpasa esaki y a keda deteni. Asina mes e dama den e sportage cu por cierto ta un psicologo pa un compania medico a sigui busca problema cla pa pleita, no a keda nada otro cu e oficial a boei e señora aki bay pone den e auto policial y asina mes el a sigui y polis a haya su mes ta hisa su voz debi cu e polis a wanta un sin fin di palabra soketada di e Psicologo.
Na final vehiculo di transporte a presenta y bay cu e dama bebi pa warda pa un test oficial.