Un Arubiano parcialmente a gana su caso di protesta contra e decision di e directiva actual di Corte Comun di Husticia di Antiyas Hulandes y Aruba. E dama aki, kende pa 15 aña a traha como Hues reemplasante na Corte di Husticia di Aruba, den e funcion di Hues Comisario pa casonan penal, a protesta contra e decision di e directiva di Corte Comun di Husticia di Antiyas Hulandes y Aruba (e directiva Hof), cu a dicidi cu no ta prolonga e contract cu desde 2007 tabata keda prolonga pa 3 aña pa e funcion di Hues Comisario.
MAS NOTICIA Ta asina cu un Hues di Hulanda a bin Aruba special pa trata e caso aki.
NOMBRA COMO HUES COMISARIO
Ta asina cu e dama ta traha na Corte di Husticia di Aruba desde 1995. Desde December 2007, a nombra e dama como Hues reemplasante di Corte di Husticia di Aruba pa un periodo di 3 aña, caminda e dama ta traha como Hues Comisario di casonan penal. Na October 2010, ora cu e Rijkswet Hof a drenta na vigor, e dama a sigui traha den un structura nobo di Hof.
Na October 2016, e presidente di Hof den un carta a pone cu e dama desde October 2010, door di e directiva di Hof, cada vez ta keda nombra pa un periodo di 3 aña pa su funcion di Hues Comisario na Aruba y cu na 2016 lo mester formalisa e nombracion. Na October 2019 atrobe e contract a keda prolonga pa 3 aña. Esaki pasobra cu su nombracion oficial door di Ministeriele Samerwerkingsraad no a wordo firma promer cu 10 October 2010 pero riba 12 di October 2010.
CASO DI PROTESTA
Na November 2019, e presidente di Hof a informa e dama cu entrante October 2022, lo no bay prolonga su contract mas.
Esey tabata motibo cu e dama a cuminsa e caso di protesta.
PARTIDONAN A APELA
Den un sentencia di October 2022, Corte di Husticia den un evaluacion amplio ta haya cu no ta husto e forma con directiva di Hof kier caba cu e contract. Corte di Husticia ta haya cu e protesta di e dama parcialmente ta na su lugar y a declara e decision di directiva di Hof no admisibel door di e consecuencianan financiero di e decision di e directiva. Si Huez a dicidi cu e directiva di Hof por keda sin duna e dama e funcion di Hues Comisarion
Esey a haci cu e dama y directiva di Hof a apela e sentencia. Por a compronde cu recien ta tratamento di e apelacion a tuma lugar y awor ta en espera di un sentencia.
Entre tanto, e dama ta na cas en espera di un decision.
