Central a manda patruya na Centro di Bario Brazil caminda cu tres hoben a wordo wanta pa ladronicia di un celular. Eynan e homber S. a declara cu e telefon di e homber AFW a wordo horta for di Palo Marga. AFW ta tira bista eynan. El a pega soño den su hamaca y a laga su telefon ta charge banda di dje.
Ora cu el a lanta, e celular a somenta. S. a declara cu e tabata haciendo algun trabao na Palo Marga y a mira tres hoben riba e tereno di e luga. Ora cu AFW a puntra S. pa su telefon, di biaha el a sospecha riba e hobennan. El a sigui nan y a topa cu nan na Centro di Bario Brazil. Polis a bin na e sitio. E hobennan ta nenga di a bay cu e telefon. E hobennan JJG, JJCG y JTC ta wordo sospecha di ladronicia y nan a wordo hiba pa warda di San Nicolas caminda cu nan a keda presenta dilanti di fiscal auxiliar y a encarcela nan na warda di San Nicolas. JZP a wordo poni na altura y nan a wordo interoga. E casa di S. e dama KS, a bin cu e celular na warda y a declara cu el a haya e telefon den un baki di santo na Centro di Bario Brazil y cu posiblemente e tres hobennan aki a sconde e telefon. AFW a haci denuncia y a reconoce su celular.