SAN SALVADOR, El Salvador- E muhe Salvadoreño, Teodora Vasquez, diahuebs a wordo libera for di prizon, unda e tabata cumpli cu’n sentencia di 30 aña bou di un ley anti- abortus hopi severo. Husticia a anula su castigo, segun su abogado a informa.
Su historia a cuminsa, ora cu drentando su di nuebe luna di gestacion, el a cuminsa sinti dolor y molestianan cu a bira mas segun oranan ta pasa. El a dicidi di yama 911. Mientras e tabata sperando servicio di emergencia, el a cay pa cual el a sufri un emergencia obstretica, desmayo y un sangramento profundo, cu consecuencia cu el a perde su yiu. Varios agente a yega na e luga, caminda cu nan a detene Teodora, el a wordo geboei y acusa di a comete di un homicidio, bou di sospecho di a provoca un abortus..
Despues di a pasa 11 aña den prizon, sintando un castigo pa un crimen cu e no a comete, Teodora Vasquez a recobra su libertad. Corte Supremo di Husticia a anula su castigo.
Fuente: https://www.infobae.com