Retonan den parlamento ta grandi, segun Sra. mr. Evelyn Wever – Croes. E ta amplia.
Pa Sra. Wever- Croes, diabierna 27 di October 2017, tabata un dia hopi special, esaki tabata e di tres biaha cu su persona ta huramenta como Parlamentario. Ta 21 persona di un poblacion di 110 mil habitante tin e honor aki cu ta algo hopi grandi.
E huramentacion, ta caminda cu bo ta invoca Dios pa ilumina y guiabo pa tenebo ariba e bon caminda pa tuma e decisionnan corecto. Esaki ta momento pa para keto na dje, no ta solamente un par di palabra. Sra. mr. Wever- Croes ta kere cu e momento ta uno hopi solem y hopi importante.
Pa e fraccion di MEP, e ta un orguyo grandi. E ta e di tres biaha cu e ta huramenta, pero e biaha aki e no ta den oposicion, pero den gobierno, of al menos yegando eynan, sinta na otro banda di sala. Tur cos ta di custuma ainda. E ta mustra si cu ta e prome señal pa e cambio.
Pueblo no kier pa e parlamento cu a funciona den pasado, no continua. tur cos den bida ta pasa pa un motibo y tur cos ta di siña di dje. Parlamento mester haya su espacio pa haci nan trabao debidamente pa eherce nan trabao. Parlamentarionan mester controla gobierno, nan mester haya e documento, nan mester haya e sosten cu nan mester haya.
Sra. mr. Evelyn Wever- Croes personalmente lo kier pa e nivel den parlamento ta eleva, caminda cu debate ta bay ariba temanan, ariba topico y nada personal. Y esey el a bisa tambe ora cu a cera e parlamento bieu, cu ta spera cu a cera un era cu Aruba tin berguensa di dje. Ohala cu diabierna ta habri un era nobo, di un parlamento cu ta mustra respet pa e haya respet pa e haya respet.
Riba e pregunta, ken ta bay keda pa e fraccion di MEP, den parlamento, y ken ta bay bira minister, Sra. mr. Evelyn Wever- Croes a bisa cu ainda no tin ni coalicion, nan ta yegando den e direccion ey. Ora cu tin un coalicion, e ora por sa cuanto di nan lo bay asumi un responsabilidad di minister, e ora por sa cuanto luga bo tin cu yena, e ora ta bay bek na e lista. Aunke ley ta stipula claramente, cu lo mester bay segun numeracion ariba lista ta drenta. Dus si un hende bira minister, e siguiente pa bira parlamentario lo ta Sr. Edgar Vrolijk, Sr. Endy Croes, Sra. Shaylinny Tromp- Lee.
Ainda e formacion no ta cla, nan ta bezig cu e programa. Si a cuminsa papia inoficialmente ariba reparticion di cartera, pero nada no ta cla ainda. Un diferencia entre e biaha aki compara cu e ultimo briefing na prensa, nan ta mas leu cu e negociacionnan. Ta spera cu pa otro siman, lo tin un gobierno nobo. Y mientras tanto, ariba peticion di S.E. J.A. Boekhoudt, gobernador di Aruba, minister presidente saliente, lo keda un par di dia mas den e posicion.
A puntra Sra. mr. Evelyn Wever- Croes, tocante e repaticion di cartera, caminda Sr, Otmar Oduber a bisa cu su persona y Sr. mr. Andin Bikker lo bira minister. El a bisa cu e proceso di screening a cuminsa te caba y cu gobernador a aprob’e. No ta cos cu e ta lanta un mainta y dicidi cu e ta bira minister. Esey lo ta e deseo cu ta biba cerca nan.
Den su posicion, Sra. mr. Evelyn Wever- Croes ta e canal oficial pa duna informacion tocante informacion tocante formacion di gobierno, y tambe su persona ta canal oficial di tema di screening, di informacion cu ta yega na gobernador.
Por ultimo Sra. Wever- Croes, su opinion personal ta cu ta keda na 7 minister, pero e ta wordo bisa cu mester tira awa den biña, y si bira na ocho minister, ta paso cu a tira awa den biña. Tocante e despedida di Sr. mr. Ady Thijsen, Sra. Formado a bisa cu sigur sigur Sr. mr. Thijsen lo tin un rol importante den e siguiente gobierno, sea na Hulanda, na Aruba of na Merca.