Sr. mr. Andin Bikker ta remarca cu nos comunidad ta sumamente preocupa cu e inseguridad reinante, caminda lamentablemente un ola di criminalidad ta sigui asota nos comunidad bow di Gobernashon di AVP. E ministernan encarga cu orden publico y seguridad den e gobierno di AVP, sr. Mike Eman y sr. Arthur Dowers, debi na nan falta di vision y maneho referente prevencion y combatimento di criminalidad, a laga cu nos pais den un par di aňa conoce nivelnan inacceptabel di aumento di criminalidad.
Ta te awo, despues di practicamente 8 aňa e minister encarga cu husticia diripiente a bin presenta un plan pa combati criminalidad, 5 minuut pa 12. E minister kier bin bisa nos comunidad cu despues di como 8 aňa (dos termino di Gobernacion!) cu e no por a resolve e inseguridad reinante, awo si e tin un plan, como sifuera awo si e tin e solucion? Sorry minister, manera e dicho ta bisa: “too little, too late.” Ta un hecho cu ni den presupuesto 2017 e minister no por a duna informacion concreto riba su maneho, actuando asina contra di Comptabiliteitsverordening. Raad van Advies ta remarca den su advies riba Presupuesto di Pais Aruba pa 2017, p. 25: “(…) hetgeen ten aanzien van de beleidsvoornemens van het ministerie van justitie in de toelichting wordt vermeld is dermate summier en vaag dat het niet voldoet aan de vereisten van artikel 3 van de Comptabiliteitsverordening(…). Ingevolge artikel 3 van de CV 1989 dient de memorie van toelichting een uiteenzetting te bevatten over het door de betrokken minister te voeren beleid en, wat de vaststelling van de kosten en investeringen en middelen betreft, nauwkeurig en volledig de gronden en gegevens te bevatten, waarop elke raming berust. Niet volstaan kan worden met algemeenheden als dat de criminaliteit daadkrachtig dient te worden bestreden’ (p. 117) en dat de samenleving op de vastberadenheid van de minister van Justitie kan rekenen’ (p. 112). (…)“.
Di otro banda nos tin e Prome Minister, Sr. Mike Eman, kende desde Juli 2014 ta practicamente ausente y keto riba e tema, y ta keda core pa su co-responsabilidad pa cu e ola di inseguridad cu ta asotando nos isla. Pues por conclui cu minister Mike Eman y minister Arthur Dowers no por garantisa seguridad di nos Pueblo. Mester bin un cambio pronto den e situacion actual, y cu sosten di comunidad e Plataforma di union POR E Forsa Nobo, lo restaura seguridad y tranquilidad pa nos comunidad.