COLOMBIA – Ideam ta reporta cu despues di 10 aña sneeuw a bolbe cay den e Parke Los Nevados, ubica entre e departamentonan di Caldas y Tolima. Investigadornan a mustra e hecho como significativo aunke no ta determinante den e desaceleracion di e perdida di e glacial na e luga aki.
E fenomeno a keda registra entre dia 20 y 24 di Januari di e aña aki dado un condicion di awasero cu a keda registra den e centro di e pais y cu a provoca e caida di sneeuw den e parke Nevado del Ruiz.
“Nos ta papiando di un zona unda normalmente awasero ta sigui siendo likido den e 4 mil meter riba nivel di lama. Sin embargo, nos tin cu bisa cu pa por establece un formacion di ijs, ta necesario cu den e condicion aki ta mantene pa un bon lapso di tempo,” Christian Euscategui, hefe di Alerta y Pronosticonan di Ideam, a splica.
El a añadi cu den e parke, unda cu Nevado del Ruiz, Nevado de Santa Isabel y Nevado del Tolima ta, “ta sigui ta den pleno retroceso.”
Fuente: RCN Noticias