Magally Brito Secretaria General di Seppa ta splica, cu despues cu nan a tuma nota cu den prensa tin un ‘bay bin’ entre tanto S.A.B.A y Minister riba e tema di placa y dunamento di cuenta y cada un ta bisa algo otro. E echo mes ta; cu un grupo di trahadornan tin retraso den nan pago y esey ta keda den laira, no tin claridad.
A base di un peticion di trahadornan pa trece claridad ya cu nan tin hopi aña ta warda y esaki a hiba cu Gobierno a bisa cu lo entrega un carta pa haci un investigacion. Despues cu Magally Brito a haci tres entrega di carta un na S.A.B.A, e di dos na Gobernador pa intermedia e situacion cu ta tumando luga, e di tres a wordo entrega na Gobierno, y aki nan a keda di haci tur lo posibel pa mehora e situacion y pa e maneho di nos grandinan por keda na su luga.
Minister a informa cu nan a haya un carta di S.A.B.A. pa sinta na mesa y esaki ta tumando luga. Tambe tin un caso na corta di S.A.B.A y Gobierno, pero si e partidarionan por sinta na mesa y elimina e diferencia di opinion, lo por yega na un acuerdo y compromiso, esaki asta lo por yuda pa para e caso na corte. Tin un comision cu Gobernador di Aruba a instala y e comision aki ta bao di liderazgo di mediadornan di Gobierno y ta akinan unda tin e reclamo di e retraso pa e pago, na un grupo di trahadornan di SABA. Magally Brito a finalisa cu nan ta den espera pa por yega na e miho acuerdo.
