Diabierna marduga, patruya ta wordo dirigi na un hotel grandi, caminda cu un security lo a wordo maltrata pa dos hende homber. Esey lo a sosode ora cu el a bay atende cu nan, ora cu nan tabata drumi riba algun stoel di beach. No tabata tin descripcion mucho cla. Tabata trata di hobennan bruin cla entre e edadnan di 22 y 23 aña. Nan tabata di habla Spaño. Nan tabata bezig ta coba den un tas. Despues di e maltrato nan a sigui nan caminda. Nan a laga e tas, posiblemente di turistanan. Fuera di esey nan a laga dos saco chikito cu cocaina aden. Esakinan a wordo confisca pa polis pa asina wordo distrui pa departamento di Narcotica. E victima lo pasa mainta pa duna keho na recherche di strandpolitie, despues cu e haya un declaracion medico na eerste hulp di hospital.