Diabierna a anochi e producto nobo Desperados a keda presenta. Sra. Tracey Nicolaas di Romar Trading Trade Marketing Coordinator a splica riba lanzamento di un cerbes nobo riba mercado cu sigur lo ser gusta pa hopi hende mirando cu ta trata aki di un cerbes y tequila hunto.
E famia di Heineken a bira mas grandi, apart di Heineken y Amstel Bright, Desperados a bira tambe miembro di famia di Romar Trading. E cerbes aki no tin tequila den dje, pero si e sabor di Tequila.
E boter aki ta mas grandi cu tur hende ta custumbra cun’e, y normalmente un Amstel Bright ta 27.5 y esaki ta 37 Cl. E ta mas grandi cu normal y ta disponibel na varios supermercado na Aruba y tambe algun bar.
Desperados ta hopi conoci na Francia, pero na Europa tambe. Varios pais y islanan den Caribe, manera St. Maarten, French Guyana y Martinique e ta hopi conoci. Conociendo nos hendenan local, a dicidi di trece e cerbes cu tin e atmosfera di fiesta, ya cu e ta wordo relaciona hopi cu fiesta y conciertonan.