Despedida y Homenage Postumo pa Padu Del Caribe riba e plaza cu ta carga su nomber

Manera ta conoci lo bai tin ceremonia special riba Plaza Padu pa rindi honor y respet na Juan Chabaya Lampe miho conoci como Padu Del Caribe, kende a fayece siman pasa. Ya preparativonan ta andando riba e plaza y nos a compronde cu pa loke ta e programa tin uno tentativo cu ta como lo siguiente: E dia di Homenage y Despedida Postumo Cultural lo ta Diahuebs 5 di December 2019 y manera ta conoci ta riba Plaza Padu cu ta keda patras di Bestuurskantoor y Edificio Cocolishi. E ora ta for di 6.30 di atardi pa 10’or di anochi. Riba e dia ey lo bai tin diferente persona cu lo hiba palabra p’asina rindi homenage postumo na Padu y alavez lo bai tin artistanan cu lo canta cancionnan inmortal di nos Tata di Cultura. E entiero oficial mes lo ta Diabierna 6 di December y lo tuma luga den Kerki Protestant den Wilhelminastraat y lo ta di 3’or di merdia pa 5’or di atardi. Nos a compronde cu pa homenage di Diahuebs lo tin alrededor di 30 pa 36 artista cu lo haci presentacion di canto y baile. Mas cu claro e curpa di Padu lo reposa riba Plaza Padu durante e homenage aki p’asina henter Aruba por haya chens pa despidi di dje. Cu Padu sosega na Paz.

Comments

comments