KUALA LUMPUR, Malaysia- Autoridadnan di Malaysia a prohibi e exito di Luis Fonsi y Daddy Yakee “Despacito” di toca na radio y na television estatal. Motibo di esaki ta cu segun autoridadnan, nan ta considera e letra indecente.
“RTM lo no emiti niun cancion na ningun di su stationnan di radio of television, cu efecto inmediato”, Salleh Keruak, Minister di Comunicacion y Multimedia a bisa den un comunicado manda pa e agencia Reuters.
El aclarea cu e decision aki ta aplicabel solamente pa e cadena oficial RTM, “e demas canalnan di television y stationnan di radio ta wordo guia pa nan mesun procesio di evaluacion di e Codigo di Comunicacion y Contenido Multimedia.
Aritza Umar, di e partido Malasio Islamista, Amanah, a sigura cu e caso aki ta uno serio, ya cu “hobennan ta canta un cancion sin sa e berdadero nificacion di e letranan”.
Fuente: http://www.ntn24.com