Departamento di Salubridad Publico ta un di e servicionan cu ta forma parti di e Colegio di Calamidad y a indica cu ta importante pa hendenan no bay den un panico. Manera cu a wordo bisa algun biaha, mester ta bon prepara si. Mester percura pa wak otro, cuida otro, check un famia. Si sa cu un hende tin tiki dificultad, e mesun mensahe cu e otro instancianan a duna, sea bon prepara. Wak kico tin cu haci si en caso cu no tin coriente of awa, pero esey no ta e caso ainda. No mester cuminsa core busca famia pa loco tampoco, djis sea alerta, sea cauteloso. Tin bestianan tambe cu tin cu percura pa nan. Percura pa nada ta los rond di cas pa ora cu biento bin no bay cune y no haci daño na hende. Mester ta bon prepara. Como kluster geel, cu ta cay bao di salubridad publico ta bon prepara. Tin tur e proceduranan gestart caba. Awor aki ta den espera y ta wak con ta bay wordo confronta cu e tempo aki.
Tur instancia ta suppose di tin un plan di nan mes. Bao di yudansa di DVG, Salubridad Publico. Ayera e casnan di anciano a wordo yama pa wordo avisa cu nan mester a alerta. No ta e intencion cu nan tin cu evacua. Ta leu di cualkier accion cu ta comparabel cu esey. E casnan si a wordo bisa pa informa e famianan cu por sea caso prepara un luga na cas si situacion ta duna, tin cu busca famia. Pero esey ta hopi leu ainda. Mester percura pa no crea panico.
Tur cos practicamente a keda normal, pa loke ta dokter di warda. Si tin cuater hulp medische post cu ta bezig ta stock y si tempo ta duna cu tin cu actua, lo cuminsa pone hende disponibel, hunto cu Salubridad publico, Wit Gele Kruis y diferente medico, ta bay ocupa e postnan aki. Esaki ta dividi riba e isla.