Si pa dia 8 di September, e amienda pa Geregistreerd Partnerschap no haya atencion, lo bay cana e caminda di corte supremo na Europa. Tin e caso practicamente entrega. Tin tres pareha cu ta wardando pa e momento yega y bay corte. Loke ta bunita ta cu nan ta haya oficina di abogado cu ta haci e caso aki gratis. Hasta universidad tambe a tuma contacto y bisa cu nan lo duna tur nan conocemento legal pa steun den e caso aki. Esaki lo bay bira un caso importante y interesante y hopi internacional lo bay haya, cual no lo ta positivo pa Aruba. Ta spera cu Gobierno realisa cu na fin di dia toch ta haya cu ta acepta. Miho hacie na e manera mas netjes, segun Croes, cual ta su opinion personal.
E tres parehanan ya indica a bay censo inscribi. Nan ta nenga na censo, caminda cu ta paso pa bay corte. Croes a splica cu asina e ta cuminsa, pero na fin di dia ta yega e mesun caminda. Hasta tin un prome peticion tambe pa matrimonio homosexual. Lo bay wak na caminda kico por haya, segun Croes.