Desiree Croes a haci entrega di firmanan recolecta contra proyecto di reciclahe na Pos Chikito

0
RBC Juli 2018
Funmiles-2018

Sra. Desiree Croes ta splica tocante e accion di firma di habitantenan di Pos Chikito, pa para e proyecto di reciclahe di Serlimar. E bario no ta mucho contento pa cu esaki.
E manifestantenan a bay entrega e 1808 firmanan cu nan a recolecta pa entrega esaki na minister di Medio Ambiente y Parlamento, pa para e proyecto di Serlimar pa Pos Chikito. E bario no kier pa Serlimar bin eynan cu e intencion di recicla y sortea sushi, ya cu e no ta trece nada positivo. No por pone esaki den un barrio, unda muchanan ta bay scol, hendenan ta traha, etc. E no ta upgrade e bario. Como protesta a recolecta e firmanan. Segun Sra. De Souza- Croes, nan tin hopi mas hende cu ta sostene nan, pero specificamente a recolecta 1808 firma. Esey ta e cantidad di voto cu e minister a haya durante e ultimo eleccion. Actualmente Sr. Oduber ta vice minister president di Aruba, y e por tuma e decision cu por cambia e calidad di bida di habitantenan di Pos Chikito. Esaki ta baha balor di e casnan den e barrio. E minister por mester por sa cu esaki no ta un bon decision ya cu e ta kita e felicidad di e hendenan di Pos Chikito. A ripara si cu ya caba a cuminsa cu e mudamento, pero nan lo haci tur nan best pa stop esaki.
Esunnan cu a firma a pidi pa no lag’e solamente na firma, pero cu tur hunto mester para hunto pa stop e mudamento di Serlimar. Nan no ta bay acepta reciclahe di sushi den nan bario di Pos Chikito. Nan no ta kere cu ta bay bin un dump di sushi, den e barrio. Si nan ta bay trece sushi y sortea esaki akinan. Esey tambe e no ta nada bon y nan no kier e den Pos Chikito. E tipo di cosnan aki tin un luga special pa e tipo di cosnan akinan. Por hiba esaki pa Barcadera, cu ta un tereno industrial.
E manifestacion tabata pa mustra Parlamento cu e habitantenan no ta di acuerdo cu e decision aki pa muda Serlimar pa Pos Chikito. Nan ta spera cu Parlamento yama e grupo aden, duna nan atencion, pa asina e grupo duna nan punto di bista e dicon nan no kier e proyecto di Serlimar den nan bario.
Como ciudadano y ser humano di e pais aki, si e molina di biento no ta bon pa salud di hende, e ora mester para ariba pa kita esun di Vader Piet tambe, cual a wordo poni pa e gobierno di MEP. Mester ta honesto y bisa cu tur ta malo, y kita tur. Tempo cu Sra. De Souza- Croes tabata parlamentario, e tambe a haci su estudionan tocante e molinanan di biento na Urirama.
Den caso cu e centro di recyclahe bin toch, e habitantenan di e bario lo no keda cu man crusa, pero e siguiente paso lo ta corte. Nan lo sigui pasobra nan ta kere cu lo trece mal holo, molester di zonido, etc. Pero toch sentido comun di Parlamentarionan y di e minster cu mester realisa pa e no busca guera cu’n bario completo. Ta spera cu e minsiter mira cu esaki no ta necesario y cu e hala atras di su decision y nan bay otro caminda. Nan tin speransa di yega na un solucion pa cu e situacion aki. Pero nan lo keda bringa y ta di mira kico ta bay pasa, unda nan ta bay haya rason, den e caminda cu nan ta bay cana.

Comments

comments

C: Heineken
new india