BRUSELAS, Belgica – E descubrimento aki ta representa un violacion di e regimen di sancionnan di ONU contra di e gobierno di e lider deroca.
E empresa Belga di radiodifusion publico RTB a afirma, citando un fuente no identifica, cu ta investigando e posibel pago di interes door di banconan di Belgica riba cuentanan gefreeze bou di e sancionnan di ONU na 2011 aproba despues di e derocamento di e lider Libio Muammar Gaddafi.
Te cu 5 biyon euro (5.7 miyon dollar) lo por a wordo paga na personanan cu tabata controla e cuentanan Libio, incluyendo milicianan acusa di abuso di derechonan humando, e medio a agrega.
Di mes manera, segun informenan, ONU a dicidi di congela e depositonan di Gadaffi den exteior. Belgica a haci esaki pero e pagonan di interes y divideno no a stop.
Mei mei di e intervencion di OTAN na lIbia na 2011, ONU a introduci sancionnan contra activonan gubernamental di e pais, poniendo beslag riba mas o menos 67 biyon dollar cu e Autoridad Libio di Inversion tabata tin na Europa y Merca. Gobiernonan di UE a freeze solamente e cuenta pero e interes y dividend acumula desde 2011 a sigui.
Minister di Relacionnan Exterior Belga, Didier Reynders, diamars a afirma na periodistanan cu no ta su decisionn di unblock e interes riba depositonan.
ONU ta investigando tambe e desaparicion di biyones di euro for di varios cuenta na Belgica cu tabata wordo controla pa hende di confianza di e Muammar Gaddafi.