Desde Juli e aña aki no lo ta posibel pa haci uso di celular coriendo bicicleta na Hulanda. E prohibicion tawata existi pa automobilista caba pero awo lo ta valido pa tur esnan cu ta maneha tur tipo di transportacion di motor. Parlamento a debati tocante e risiconan pa cu esaki den trafico. Na Juli e ley lo pasa. Boet pa esnan manehando auto ta actualmente 230 Euro. Cuanto e lo bira pa bais, tram y tur otro forma di transportacion no ta conoci ainda. Cu e prohibicion aki Minister di Infrastructura kier grandese e siguridad den trafico. Tur aña tin mas accidente den trafico, anja pasa e tawata 21.000 accidente. No tur ta relaciona cu e uso di celular si pero pa mehora e siguridad den trafico ta bin cu e ley na Juli. Ora di a haci un encuesta cu 4000 persona 62% a admiti di usa celular ora di maneha auto y 86% a bisa cu nan no ta sinti nan mes safe den auto cu hende cu ta usa celular manehando un vehiculo. Desde aña pasa hopi fabricante di celular a trece celular riba mercado cu ta manda mensahe automaticamente pa notifica cu e persona no ta disponibel ora di maneha.