Durante e conferencia di prensa diahuebs anochi, Gobiereno di Corsou a informa cu ta bay kita temporalmente e Bubble pa biahamento pa Corsou for di Sint Maarten y Aruba.
E decision aki ta drenta na vigor dialuna awo. Esaki ta nifica cu tur biahero for di e dos islanan aki cu kier biaha pa Corsou, mester mustra un resultado negativo di PCR Test na nan yegada na Corsou.
Gobierno di Corsou a haci esaki, nan a bisa, pasobra tanto Sint Maarten como Aruba ultimo dianan ta haya hopi caso positivo, mientras cu e situacion na Corsou ta stabilisando. Izzy Gerstenbluth den e conferencia di prensa a bisa cu e grado di contagio na e dos islanan ta casi dobel esun di Corsou.
E “reisbubble” inicialmente tabata valido pa tur e islanan Hulandes den Caribe. Pero recientemente Saba y St. Estatius a sali for di e bubble. Boneiro na inicio di e siman aki a sali di e Bubble pa motibo di ta considera Aruba, Corsou y Sint Maarten paisnan di hopi riesgo.