E skelet di un antiguo monster marino discubri mas di 50 aña pasa na Escocia, tin Paleontologonan excita riba e cantidad di wesonan haya y ta ansioso pa sa mas riba e reptil, Voice of America a reporta diadomingo.
Uzando metodonan moderno di extraccion di fosiel, e wesonan di e monster marino por a wordo removi for di e piedra duro. E reptil previamente desconoci tabata biba den oceanonan durante e periodo di dinosaurionan, e reportahe a bisa.
E wesonan di e monster marino ta 170 miyon aña bieu y a wordo descubri na Isle of Skye na Escocia.
“Tin por lo menos 100 weso eynan, asina ta, asina ta cu un bon pida di e skelet ta conoci, dus awo nos por realmente bay studie y haya sa kico e ta,” Stephen Brusatte, un paleontologo di e Universidad di Edingburgh a bisa.
Cientificonan sa cu e monster marino aki ta mas di 4 meter di largura. E ta di e clase di criaturanan marino yama ichtyosaurus, cu tin semehanssa na delfin cu por landa lihe y tin cientos di djente skerpi, cu ta come pisca y sekat, e reporte ta bisa.
Mirando cu asina poco fosiel a wordo descubri for di e periodo di tempo aki, e monster marino ta wordo considera como un hayasgo espectacular, e reportahe ta bisa.
“E ta un di e poco bon skeletnan di un di e reptielnan oceano di e parti medio di e Periodi Jurassico. Tabata un tempo cu realmente tabata un momento interesante den evolucion. Bo tabata tin tur tipo di grupo nobo di dinosaurio y reptilnan di oceano cu a cuminsa, cuminsa expande rond mundo,” Brusatte a bisa.
Fuente: https://article.wn.com
- Latest
