Central di Polis ta manda un patruya pa un parcela den Caya Harlem pa un caso di maltrato cu bate di baseball. Na nan yegada polisnan ta papia cu e homber H., cu ta declara cu pa mas o menos 8 or y 15 di anochi, e tabata canando bay abao den Caya Jose Geerman hunto cu su amiga. Na altura di Johnson’s Supermarket un auto Nissan SUV color bruin cla, sin plachi number ta yega para. For di e auto ta baha dos homber y un muhe, di cual niun di nan ta conoci pa e victima. E chauffeur di e auto a baha den direccion di H., cu’n bat di baseball y ta dal H. na su heup. E victima H. a sali na careda y e chauffeur di e SUV a subi su auto y bay for di e luga.
Polisnan a nota cu H. tabata tin un corta na su heup banda drechi. Ambulance a yega na e sitio y a transporta e victima H. pa hospital.
H. a wordo conseha pa e pasa warda di polis pa asina entrega keho. Central di Polis a wordo poni na altura.