Central di Polis ta manda un patruya pa un percela na Noord pa un kiebro. Na e sitio polisnan ta papia cu habitantenan di e cas, Sra. O. y Sra. C. Nan ta declara cu desconocinan a drenta den e cas mientras cu nan tabata drumi. Nan tabata um tiki spanta, pero toch a declara na polis. Nan a declara cu prome cu nan a bay drumi pa 10 or, nan a cera cas y laga tur cos intacto atras. O. a bay drumi den su camber cu yiu muhe di 7 aña. Pa mas o menos 2 or y 15, C. ta yega cas y ta wak cu tur cos ta na ordo. Pa mas o menos 3 or y 35 nan ta scucha un stem di hende homber, den un papiamento perfecto ta papia den e sala. Despues un di e stemnan a bisa ” baha baha, ban ban, core core”. C a bay wak via su bentana di camber y ta wak un homber di entre 30 y 40 aña, color scur, cu curpa grandi, cabey corta chikito bisti cu camisa blanco. E homber aki a cana gehurk bou di su bentana di camber. El a spanta y a hala for di e bentana. El a bay di biaha pa camber di O pa bise kico a psa. Hunto nan a bay den e comedor, unda nan a bin ripara cu e hombernan a bay cu e boshi yabi di un Toyota color oro, y for di un otro mesa a bay cu’n MacBook Por, un speaker JBL color berde, un Samsung J6 sin simcard y un charger (powerbank). . E mesa di computer tabata situa bou di e bentana, for di cual e desconocinan a drenta y sali, mirando cu e porta tabata na lock ainda. Durante control a bin haya e powerbank benta abao. A bay controla e auto, cu no tabata na lock. Segun e señoranan, e hombernan no a bay cu nada, pero si a reboltea den e auto.
Camaranan di siguridad no a capta nada for di supuestamente unda e malhechornan a drenta. Pero polisnan a bay cu e charger pa mas investigacion. BFTO y Slachtofferhulp a presenta pa duna asistencia.