Diaranson mainta,durante patruya, Central ta mand’e na Ayo Basisschool pa un ladronicia. Eynan ta papia cu e dama t., kende a declara cu e ta traha na e scol. El a bisa cu pa 7’or y 15 ora cu el a yega, el a mira cu desconocidonan a drenta den oficina di e docentenan. T. a ripara cu nan logra drenta door di kibra plafond y paden nan a haci un desaster. Nan a haci un porkeria cu e cuminda den e local. T. a sigui cu su control den e klasnan y a mira cu desconocidonan a drenta den e klasnan, pero no a bay cu nada. nan no a horta nada, pero si nan a rommel door di e oficinanan. Central a wordo poni na altura.