No ta un secreto cu e Comisario di Polis renombra pa su puesto esta Sra Trudy Hassel ta un persona conoci den comunidad, tur su accionnan cu el a haci den su bida nunca e no a wordo molestia pa ningun hende na su cas den su oranan priva. Tur persona ta respeta Sra Hassel maske e por parabo riba caminda boet bo, kita bo vehiculo etc, pero ta su trabou e ta haci como un polis.
Diabierna atardi a sali den noticia y riba masnoticia.com tambe cu e comisario di Polis a topa cu un pickup transportando 8 hende den un forma peligroso y claro como un Polis bo mira algo iregularidad bo ta actua di biaha. No a perde pa gana cu Sra Trudy a bira bek y dal su sirena y para e vehiculo y pidiendo yudansa di un patruya. Durante e control shete hende tabata di barco y tabatin nan carnet cu nan a sali un rato for di e tereno di waf di Barcadera, y un di e personana no tabatin documento mes. E homber a admiti cu e ta ilegal for di Juli 2015. E pickup no tabatin su documento cune y como un bon persona Sra Hassel a duna e doño un chens pa core busca e documentonan sino e ta tuma e vehiculo den beslag. Aki e doño di e pickup a haya un chens y a trece su papelnan y asina e comisario a laga e persona bay cu su auto.
Diadomingo mainta nos fotografonan a keda informa cu algo a pasa cu e vehiculo di e comisario na su cas y nos a bay tira bista y tuma nota cu esaki a keda susha, pa desconoci.
Diadomingo ta habri y Sra Hassel a sali for di su cas pa bay na su auto y haya cu e dienst auto di Polis y un auto personal di dje di su famia a keda susha cu webo. Ta mustra cu den oranan di marduga un persona a pasa tira webo riba tanto di auto di Polis y auto personal. Ta mustra cu persona kier atacha e trabou di e comisario cu e ta haciendo, pero ta mustra den direccion di un persona local cu e comisario ta pensa cu tabata presente e diabierna na Cas Paloma unda el a para e auto cu e personalnan stranhero pa un control. Esaki ta mustra cu un persona ta buscando guerra frieu cu e comisario door di bin haci tipo di actonan aki riba su propiedad y su bida priva.
Sigur e tipo di actonan aki no ta kibra Sra. Hassel un persona femenino cu carakter straight para den su sapato pa sigui traha pa e pueblo maske den e ceno cu e ta trahando nan tine abou y no ta algo desconoci, debi cu el a sali di Cuerpo di Polis bay pa KIA y bolbe bek pa Polis pero e ambiente parce no ta reina mucho bon. Pero esaki ta un di e poco Polisnan halto cu no solamente ta traha paden na oficina pero ora e ta riba caya y mira algo cu no ta cuadra ta actua, pasobra ta p’esei ba huramenta pa sirbi pa e comunidad.