Desaster financiero realisa den 8 aña no por wordo drecha den algun luna

0
RBC Juli 2018
Funmiles-2018

Den su discurso den e di dos tanda den e reunion di Parlamento tratando presupuesto 2018, parlamentario Shailiny Tromp-Lee a trece padilanti cu den e ultimo añanan nos pais a pasa den sucesonan grandi cu a mina fundeshi di nos estado di derecho. Ademas nos por a ripara cu cierto politiconan a busca tur sorto di buraco den ley y reglanan vigente pa nan interes propio, ignorando asina tur regla skirbi y no-skirbi. Mas tristo ainda a ignora tur norma y balornan di interes general. Sinembargo ta irrealistico pa Pueblo spera cu e desaster financiero y situacion di crisis realisa den 8 aña, e gobierno actual lo por drecha den algun luna of 1 aña. Pueblo mester ta consciente cu ta trata di retonan grandi cu ta rekeri curashi y determinacion pa percura cu Aruba ta haya su credibilidad financiero bek y cu nos por garantisa un bon futuro pa nos yiu y nan yiunan.

Integridad y bon gobernacion
Pa Aruba tin adelanto berdadero, cu ta sostenibel y duradero, nos mester proteha nos estado di derecho, nos mester percura pa un bon gobernacion y garantisa e posibilidad pa un democracia bibo di participacion. Ta bon conoci cu falta di transparencia y falta di bon gobernacion, y casonan di corupcion, semper lo resulta den pobresa den un pais, pa no papia mes di decadencia den norma y balornan. Esaki ta keda traduci tambe den plannan concreto caminda gobierno a presupuesta 150.000 florin pa institucion di un Integriteitskamer cu den e di 4 kwartaal di e aña aki ta bay keda realisa y 200.000 florin pa introduccion di un Ombudsman. E concepto di ley pa loke ta trata Ombudsman ta practicamente cla, pues ta premira cu esaki tambe lo ta algo cu pa aña 2018 enberdad por keda concretisa. Y pa loke ta trata integriteitskamer ya caba Fraccion di MEP, por medio di coleganan Edgard Vrolijk y Rocco Tjon a haci entrega di e concepto di ley encuanto integridad y screening di politiconan y Fraccion di MEP lo sigui traha tambe ariba e concepto di ley pa loke ta trata financiamento di partidonan politico.

Introduccion di Crisisheffing
Gobierno mediante e FEM ta inicia recuperacion pa loke ta trata nos finansas publico caminda lo introduci crisisheffing pa por cuminsa cu e camindanan pa: 1. Saneamento di nos Finansas Publico y atende cu e obligacionnan grandi cu entre otro e proyectonan PPP ta trece cu ne y cu gobierno anterior a deha di percura pa e fondonan necesario pa por paga nan; 2. E caminda pa por cuminsa percura pa un economia cu ta prospera pero na mes momento ta percura pa bienestar di nos pueblo, y 3. E caminda pa inicia e proceso pa trece alivio y realisa inversion asina necesario ariba diferente tereno cu ta den crisis.

Costo di bida y control di prijs
Un punto di preocupacion di e ultimo añanan ta e costo di bida cu a aumenta drasticamente y e famia su poder di compra a bay hopi atras. Un grupo grandi di ciudadano ta cay den dificultad pa cumpli cu nan debernan y alabes percura pa nan necesidadnan basico. Otro aspecto cu ta keda hopi menciona den pueblo ta cu falta di control di prijs, higiena y mercancia den supermercado y tiendanan Sinembrgo por tuma nota cu ultimamente diferente control ta tumando lugar na entre otro nos supermercadonan.

Cultura, identidad di pueblo
Pa loke ta trata cultura, esaki ta sumamente importante pasobra e ta e identidad di e pueblo, nos cultura ta forma loke nos ta orguyoso di dje como nacion. Cultura ta un medio pa stimula autoestima, confiansa y crea identidad nacional. Sin guia, ta facil pa absorbe tur loke ta bini di afo y Aruba como un pais turistico ta expone su mes na e risico di perde su identidad y asina tambe su producto turistico. A keda demostra cu ta hopi importante pa nos cuminsa fortalece nos identidad colectivo, caminda nos ta comparti mesun norma y balornan. Esaki na su turno sigur ta bay contribui pa nos yega na un nivel di bida mas halto, unda den un desaroyo sostenibel ta midi felicidad, no solamente den ganashi material pero den perspectiva mas grandi, esta desaroyo personal, spiritual y pa bienestar general.

Comments

comments

C: Heineken
new india