Reces a caba di termina, y parlamento a haya tempo pa analisa, den corto, con ta considera cu e aña parlamentario, e funcion di e trabao for di october y november padilanti, con el a bay. Sr. Ricardo Croes, parlamentario di partido RED ta elabora ariba esaki.
Asina ey den fraccion di partido RED, ta analisa kico a bay den ki forma y kico ta e cambionan cu kier haci, por ehempel, reunionnan di comision fiho. Cuanto reunion a yama, e temanan y cual ta e reunion pa yama di awo padilanti y cu ki frecuencia.
Tur esaki ta despues di, cu den parlamento, e parlamentario ta miembro di mayoria comision fiho, con pa comparti bo tempo, con pa set up e prioridadnan y con pa coy e prome aña di experencia amplio, pa den di dos aña dicidi cual comision e ta laga un banda.
Dus tur decision pa scolnan nobo, cambia ley, e ta un preocupacion di tur hende. Pero mescos e ta un preocupacion di e poblacion general. Tur hende kier mira e cambionan mas lihe posibel. Pero tur hende sa cu cambio ta bini cu bon planificacion, cambio ta bin cu bon maneho financiero y pa bon maneho financiero, mester di placa. Pero esey ta loke Aruba no tin actualmente. Un di e retonan cu e gobierno tin pa haci e otro retonan realidad ta e parti financiero.
Sr. Croes a sigui bisa cu J.F. Kennedy, Colegio Frere Bonifacius, tin plannan pa renobacion di scolnan na Noord. Pero tambe e minsiter di Infrastructura apart, tambe ta bezig cu construccion di vivienda. Asina e desaroyo ta continua. Si e situacion financiero tabata mas miho, e desaroyo lo a bay mas lihe. Ta bo capacidad finaciero ta dicidi, con lihe y con hopi bo por logra cu e tempo cu bo tin.
Pa loke ta e fundacionnan, ora cu gobierno ta subsidia e fundacionnan, gobierno tin derecho di wak den e bukinan. Pero asina mes tin varios fundacion cu no kier haci esaki. E weganan di ken a bisa kico, ta loke mester caba. E weganan di haci “como sifuera mi’n haci nada” y tira culpa ariba un otro hende, cu si ta e minister ta malo, mester caba.
Tur miembro, tur stakeholder, di tur ministerio, mester haci nan parti cu obhetividad. Laga partido politico un banda. Den bo capacidad di ambtenaar, bo ta ambtenaar di pais Aruba y bo ta wordo goberna pa e gobierno actual. Den e funcion ey bo mester actua, cu e vision di hiba e pais dilanti y no di perhudica e pais pa faboritismo politico. Sr. Croes ta sigui bisa cu ta asina ta y ta asina nan ta bezig ta experenciando esaki.
Den caso aki, esun cu ta paga ta dicidi. Y esaki ta motibo cu cada rato cu gobierno nobo drenta, e mester manda hende cas pa e kita obstaculonan den su maneho. Y esey ta un problema grandi riba e isla aki, cu mester tin otro forma enbes di manda hende cas. Y si bo ta ambtenaar y bo ta trahando en contra di bo hefe, e ambtenaar lo mester bay cas, y sin pago.
Y aki ta unda cu parlamento ta drenta na vigor, pa cambia e ley aki. Apart di e posicion, e parlamento ta uno nobo, cu excepcion di dos parlamentario cu experencia.
Tur parlamentario mester a haci un evaluacion di nan trabao y wak kico mester drecha den nan siguiente periodo di trabao. Asina Sr. Ricardo Croes, parlamentario di Partido RED a finalisa bisando.