Durante un entrevista cu Sr. Franz Sydow di e proyecto renobacion di Isla di Oro, Zoetry Isla de Oro, a splica den ki fase nan ta awor aki y con leu e proyecto ta bayendo.
Nan ta den e parti final di e proyecto, ya caba nan a cumpli cu gran parti di e rekisitonan pidi door di Gobierno. Ta falta ainda un parti di unda e parti di e awa, e proyecto wordo haci erfpacht. Isla de Oro tabata reconoci como un luga unda tabata tin un discoteca, bar y restaurant. Pero awo e ta den ruina. E grupo awo falta pa complementa un parti adicional di awa, pa gobierno haci esaki un long- lease.
Sr. Sydow a splica cu door cu e ta trata di proyectonan di bungalow ariba awa, e awa ta parti di naturalesa y e parti ey unda cu e bungalow ta bay wordo traha, mester wordo transferi. E ta parti di e ROP (Ruimtelijk Ontwikkelings Plan), cu ya tin varios aña trahando ariba. Segun Sr. Sydow, nan a compronde cu ya caba e parti aki ta den su fase final y lo mester cuminsa haci cambionan di zona, di e parti ey di e awa, pa un long lease.
E parti di awa ta trahando riba dje pa na final no por mishi cu e mangrovenan, manera tin palabra. Sr. Sydow a enfatiza cu no lo mishi cu e mangrovenan, den e estudio ta mustra cu mester haci algo cu esaki ya cu e mangrovenan no ta salud. Esaki ta nifica cu ecologicamente lo mester haci algo pa nan por sigui crece saludabel. Pa esaki, ya caba tinun grupo di experto nacional y internacional, y ideal ta pa nan traha hunto.
E local cu tin experiencia cu e mangrovenan na Aruba, pa nan traha den un partnership pa nan por implementa e miho practicanan na Aruba. Un di e preocupacionnan ta cu si mester corta e mangrovenan, pa cual Sr. Sydow a splica cu esaki lo no ta bay ta e caso. Si lo mester traha ariba e pathway cu ta hiba e personanan pa Isla de Oro, y lo mester renoba esaki, pero esey no kiermen cu lo mester mishi cu e mangrovenan. Pero si mester bin cambio, pa e awa por flui mas miho, pa e mangrovenan por haya mas bida. El a enfatiza cu si haci algo, e lo ta algo cu lo ta pro e mangrovenan.
Sr. Sydow a splica cu nan lo kier cuminsa mas pronto posibel, pero nan ta wardando ariba gobierno pa e permisonan necesario. Tur cos ta cla, e estudionan, e financiamento door di Aruba Investment Bank. Zoetry tin un asociacion cu AM Resort cu ta e cadena di hotelnan mas importante den Caribe.
Nan tabata kier ta e prome pa desaroya un eco resort den Caribe, pero ya esaki no ta posibel mas. Jamaica ya caba a cuminsa cu su desaroyonan, Mexico tambe, y Aruba ta kedando atras den tipo di proyectonan asina.
Tipo di turistanan cu nan kier atrae, ta e turistanan cu ta amante di naturaleza, amante di parha, di full eco – sistema.