Turismo ta nos unico pilar economico, kico ta punto di AHATA pa sigui crece esaki den futuro, pa cual Sr. Jim Hepple di AHATA ta elabora ariba esaki.
Sr. Jim Hepple ta splica cu esaki ta un punto strategico den e progreso di Aruba. Si ta papia cu gobierno, pa nan mester aumenta nos GDP, ya cu esey ta un manera pa cuminsa paga tur e debenan. Pero di otro banda, si papia cu SvB over di e compromiso y beneficio cu nan mester paga pa un poblacion cu ta enveheciendo na Aruba, nan lo bisa cu e economia lo mester crece. Biniendo di e perspectiva aki, con e economia lo por sigui crece si e lo mester satisface e necesidadnan di e dos departamentonan sumamente importante di nos isla. Turismo lo ta e sector mas importante di Aruba, y consecuentemente, crecemento por wordo midi den termino di mas turista of di mas entrada pa nos isla, cual Sr. Hepple a bisa cu e aumenta e cantidad di turista cu ta gasta ta hopi importante. Pero na final di dia, lo mester trece mas turista pa nos isla, y consecuentemente tin oportunidadnan pa desaroyonan nobo. Sr. Hepple ta di opinion cu e formula cu mester wordo uza ta cu cualke sea e desaroyonan nobo, e mester atrae bishitantenan di calidad.
Pero e mercado ta creciendo y cambiando, y por wak cu tin hopi demanda no solamente pa e hotelnan di renombre di nos isla, bienestar ta un punto importante. Tin hopi oportunidad eyfo, y pa progresa, mester ta cuidadoso ora di crece, pa ki tipo di crecemento nos ta bezig ta atrayendo. E forsa labor, si ta bay crece, mester di trahado cu kier traha den e sector, trahadonan cu ta dispuesto di brinda servicio excelente.
Aña pasa, e cantidad di personanan den luganan priva, a cay for di 35% na 2015. Hopi persona ta kedando den condominiumnan. Ora cu papia di progreso, no ta papia di hotel, pero di condominionan ta spera di atrae clientenan. Ta papiando di un ‘level playing field’. E sector existente di hotel y time share resort tin algun punto cu nan mester tene cuenta cun’e, pa loke ta trata servicio, salubridad y loke ta pidi pa e condominionan aki cumpli cu e mesun puntonan aki di atencion, mescos ta conta pa loke ta belasting pa e propiedadnan aki. Esaki ta puntonan di atencion, cu gobierno lo mester tene cuenta cun’e, segun Sr. Jim Hepple, di AHATA.