Fundacion Seroe di Jan Flemming e aña lo tin actividadnan dia di Himno y Bandera, 18 di Maart y tambe ariba Dia di Rey dia 27 di April. Esaki ta e prome aña cu lo haci actividadnan ariba e dianan festivo aki.E fundacion ta spera cu e dos actividadnan aki haya e sosten necesario. Pa loke ta Aruba Doet, Sr. Wever ta haci un yamada na e pueblo pa subi ariba website di Aruba Doet y inscribi pa tur e proyectonan cu tin. Aruba Doet mester di boluntario.
Sr. Wever, presidente di Fundacion Seroe di Jan Flemming a splica cu tin un bisiña cu no ta mucho contento cu e trabaonan andando aworaki. Serlimar a bin pa roza a tereno, cual a conduci cu polis di bario a bin pa averigua un que otro, door cu Serlimar tabata bezig ta rosando. Pero Sr. Wever a mustra polisnan tur e papelnan necesario, y e motibo pa cual ta roza e tereno. E motibo pa cual e bisiña ta rabia, ta paso cu na prome instante e tambe tabata den e Fundacion e prome aña y no e di dos aña. Y na parecer di bisiña aki , nada no tabata por a wordo haci mas.
Ta pesey a haci tur e esfuerso pa busca e tereno legalmente, y niun hende ta doño di e lugar. Ta e miembronan di bestuur ta esunnan cu ta trahando. Lamentablemente, hopi di nan a wordo difama den prensa y ta pesey Sr. Wever ta haci uzo di e oportunidad aki pa trece e informacion corecto na e pueblo di Aruba.
Segun Sr. Wever e tereno ta huurgrond di gobierno. Y e tereno a wordo pasa na e Fundacion pa beheer e tereno. Presidente di e fundacion ta splica cu na mes momento cu ta roza, ta purba di planta mas tanto mata rond. Ta purba pa kita e matanan chikito, pero mantene e grandinan, pa asina toch keda cu poco sombra na banda.