Testimonionan ta indica cu na momento di e derumbe cerca di 100 personan tabata den e zona.
Un deslisamento di tera pafo di e capital di Etiopia, Addis Abeba a provoca e morto di por lo menos 35 persona, mientras cu tin decenas di heridonan.
Segun informenan di funcionarionan local, e deslize a sosode den oranan di anochi di diasabra y esaki a ocasiona cu cientos di persona a keda dera bou di tera, pa cual ta spera cu e cantidad di personanan cu a perde nan bida lo aumenta durante e proximo oranan.
Den forma preliminar, medionan local a indica cu e derumbe a laga un saldo di 20 persona morto, pero e cifranan aki a aumenta mientras ekiponan di rescate ta logra libera personanan y tambe cadavernan cu a keda dera bou door di deslize.
Mester bisa cu diariamente centenares di persona ta recoge sushi den e basurero aki den condicionnan sumamente malo, como nan medio di bida. Algun di nan tin hasta casnan improvisa den e basurero.