Derecho riba tratamento medico

REMETIDO

Dicon nan no ta yudami?

Imagina pa un momento tragedia a bati na porta. E dia a yega cu bo a bira malo di berdad. Bo mester di wordo acudi, pero bo dokter di cas ta tuma afspraak so y bo meter bel parti mainta trempan. Pero e dolor ta asina insoportabel cu bo ta dicidi di bai Eerste Hulp. Pa suerte un hende por hibabo. Bo ta pensa great, mi a yega, ban wak si nan ta yudami. Nan ta puntra bo kico bo tin. Dolor? Na unda? Bo ta mustra nan unda e ta morde. Wel, nan a wak bo, pero e conclusion ta cu bo caso no ta urgente. Bo ta wordo manda cas di dokter y bo mester bai riba bo mesun forsa eynan. Bo ta rabia. Dicon nan no por atendemi? Bo tin dolor! Mucho comprension bo no ta haña. “Nos no por haci nada. Bo mester bai cas di dokter pa nan atende bo!”.

Na cas di dokter bo ta wordo atendi, pero e dokter no ta wak mucho cos y ta receta paracetamol. Increibel, pasobra bo tin dolor. Bo ta haña bo ta meld ziek. Bo ta reza cu e dokter na Svb si por wak algo y en berdad ela wak bo tin apendicitis. Bo ta wordo manda cu urgencia na eerste hulp na unda bo ta wordo opgenomen pa wordo opera imediatamente.
E hecho nan aki ta basa riba un caso real. E pregunta ta keda kico abo como patient tin derecho riba dje? Bo sa cu bo tin derecho? E derecho nan aki ta existi na Aruba pa casi 20 aña y ta hinca den nos codigo civil. Fundacion SIKI a opta pa organiza un seminario hustamente riba e topico aki pa asina trece mas cerca di pueblo kico e derecho nan aki ta. E seminario aki lo tuma lugar riba 28 di november proximo y tickets ta obtenibel na TAO Toys. Pa mas informacion por acudi e webiste of facebook di Siki Aruba. E seminario aki ta hopi bon pa cada persona cu kier evita pa un caso asina aki pasa cu n’e y su sernan keri. Fundacion SIKI ta invita tur persona cu kier proteha su mes y su famia pa acudi e seminario sumamente interesante aki.

Comments

comments