Kralendijk: Awe na diferente parti di e kosta oost di Boneiru por a nota zeta pretu i restunan di esaki ta drif jega tera.
E zeta ta jegando Boneiru den pida nan grandi pero tambe mas chiki.
Na e momentu aki no por bisa ainda kon grandi e impakto di esaki ta riba e naturalesa di Boneiru.
For di mainta notisia Live99fm a drenta ku e notisia aki den brunch99 i hasta a mustra imahen di loke tabata pasando.
A pidi reakshon di gobiernu riba loke ta pasando pero nan tabata den reunion, a buska kontakto ku havenmeester tambe pero e tampoko a duna niun deklarashon na Live 99fm i a bisa ku ta wardando riba un komunikado di OLB.
Entretantu por a nota ku Stinapa a kuminsa move riba e daño ku a ser kousa dor di e derame di zeta aki den nos laman.
Nos lo ta pendiente pa wak ki ora gezaghebber i OLB lo bisa algu tokante e kaso aki i sin tin un plan ku lo wordu ehekuta pa atende ku protekshon di nos beach nan.
Cortesia di Live 99 Fm Boneiro