CIUDAD DE MEXICO, Mexico- Dia 12 di Juli, despues di casi 80 aña di monopolio di Petroleos Mexicanos (Pemex), e compania Mericano Talos Energy a informa di e descubrimento di un deposito petrolero na 60 kilometer di e costanan di e estado di Tabasco.
Ta trata aki di e descubrimento mas grandi den e teritorio den e Golfo fi Mexico for di aña 2000 y e di cinco deposito di hidrocarburo mas grandi haya na mundo den e ultimo decada.
E deposito aki a wordo haya durante e boramento di e pos ‘Zama-1’, un zona di awa di mas o menos 166 meter di profunidad, cu un calculo di recursoann cuantifica di entre 1400 y 2 biyon bari di petroleo crudo.
“Esaki ta un descubrimento historico y significativo, y nos no por ta mas orguyoso di nos personal, cual a demostra di altamente califica tanto na Mexico como na Merca”, segun e director di Talos, Tim Duncan. “ E hayaso aki ta representa e obhetivonan di e Reforma Energetico promovi pa gobierno di Mexico: capital nobo, participantenan nobo y un spirto di innovacion cu lo permiti na genera empleonan local y ingresonan importante pa estado Mexicano”.
E compania Mericano, integra door di Sierra Oil and Gas, Talos Energy y Premier Oil, a informa tambe cu e lo instala un capa pa proteha e hidrocarburonan recientemente descubri den awanan teritorial Mexicano, prome cu cuminsa cu e buskedanan nobo den regionnan mas hundo.
Fuente: www.petroleumworld.com