Diaranson atardi Záhyon y Jourdé Klabér di Brazil Taekwondo Stichting a biaha pa un winter training na Hulanda y Alemania cerca ex campeon mundial y coach Olimpico Henk Meijer. Presidente di Aruba Taekwondo Bond Dr. Guaicaipuro Jimenez y algun miembro di famia tabata na aeropuerto pa dispidi di e dos atletanan aki y desea nan bon biahe.
Henk Meijer a ricibi e dos atletanan aki na Hulanda pa e winter training cuminsa di biaha, mirando cu dia 12 di Januari nan tin nan prome campeonato pa aña 2019 na Den Haag.
Dia 1 di Januari nan lo biaha pa Friedrichshafen, Alemania pa un camp training te cu dia 6 di Januari y ta bay tin varios atleta di Europa presente na e training na Alemania tambe.
Un di e metanan di e winter training aki ta cu na luna di Maart tin e Santo Domingo Open y e clasificatorio pa e Pan Americano na Peru.
Despues di cada evento lo dicidi kiko ta e siguiente stapnan, mirando cu na aña 2019 tin varios campeonato internacional, manera e campeonato Mundial na Manchester y Henk Meijer a haci reservacion caba pa ta presente.
Dr. Guaicaipuro Jimenez ta premira hopi pa e atletanan di Aruba den aña 2019.
