Deportista Shariska Winterdaal ta organisando un challenge e fin di siman aki, cumisando entrante awe 11 di December te cu Diadomingo, 13 di December. E idea tras di esaki – manera el a haci dos aña pasa – ta pa recauda fondo pa Fundacion Frank Polanco cual ta un fundacion cu ta asisti muchanan cu a keda sin mayor pa yuda nan riba e parti financiero, y tambe e lo dedica esaki e aña aki na su mama.
Diferente cu ultimo biaha cu el a haci esaki, tabata solamente coremento di bais na 500km, e biaha aki e ta bay ta mas largo pasobra lo combina tres disciplina: lo tin cu landa 8KM, core bais pa 360KM, y core na pia pa 84KM, cual lo ta mas cu 24 ora bezig, tin calcula cu pa mas o menos 33 pa 35 ora cu e challenge aki lo tuma. E parti mas duro ta e parti cu e no ta bay haya chens pa drumi, haciendo esaki consistente tras di otro. E training pa siman a bira hopi ora pa siman pa custumbra e curpa pa ta hopi rato bezig.