Departamentonan di Emergencia ta cla pa e fin di simannan pisa di Carnaval. Sr. Fernando Ponson, vocero di Cuerpo di Bombero ta splica.
Bombero ta cla pa e fin di siman aki, cu ta fin di siman di carnaval di mucha na Playa. Lo bay tin un truck di Bombero para na Madurostraat, y uno den Sweelinckstraat. Asina e cayaann di paden ta haya e mesun trato cu e cayanan pafo, pa loke ta siguridad.
Bombero ta conseha esunnan cu ta bay Carnaval, pa tene cuenta cu na cas pa kita coriente, di e television, charger, belanan cu por laga cendi, zorg pa esaki no keda sendi. Ora di cushina, corda sera e boter di gas. Haci tur esaki pa preveni, pa ora di Carnaval bo no keda pega den circulo di Carnaval.
Tur aña Cuerpo di Bombero ta tene reunion prome cu e paradanan di Carnaval, y nan ta haya cooperacion di polis pa tene e cayanan, unda cu e trucknan mester pasa, tenenan habri. Tanto George Madurostraat como Shakespearestraat ta wordo teni habri pa cualkier eventualidad.
Hopi biaha esunnan cu ta bin Carnaval ta bin cu grill y durante Carnaval, bomberonan ta cana riba e ruta pa duna conseho, pa por zorg pa nan tin un aparato di paga candela, aunke cu nan no tin grill. Pero pa siguridad lo ta bon pa tin un aparato di paga candela, pa den caso di cualkier emergencia.
Durante temporada di Carnaval tin un commandopost, cu tur e yamadanan ta bay straight pa eynan. Pa loke ta e parti di Carnaval y e buitenkring, ta bay direct pa 911. Despues di parada of mita di parada, semper bo ta haya hopi yamadanan pa locual ta e parti di ambulans, tur eseynan, segun Sr. Fernando Ponson, vocero di Cuerpo di Bombero.