Pa basta luna caba Departamento di Calamidad ta bin ta prepara pa ora temporada di horcan yega pa caul aki Sr. Rino Hermans ta splica con tur cos ta na su luga awo.
Temporada di Horcan a cuminsa dia 1 di Juni y lo sigui te cu 30 di November. Departamento di Calamidad ta dinamico y cu esey nan kiermen cu nan a train Airport, a train Tsunami y di eynan nan a piki loke ta interesa Departamento di Calamidad den e situacion di Matthew.
For di Matthew, Departamento di Calamidad nan haya un paar di experiencia cu nan mester adapta nan plannan y tambe e awasero sorpresa di dia 20 di November a dunanan un paar di indicacion y tambe Caribwave unda cu nan a haya un paar di indicacion na unda mester adapta nan plannan.
Despues di Caribwave, di dia 21 di Maart, a trece tur e departamentonan aden pa prepara y awo ta den fase di coregi y prepara pa e periodo cu a caba di cuminsa. Departamento di Calamidad tabata prepara y awo nan a bay ariba skerpi. Ariba skerpi kiermen cu cuanto material tin, den ki condicion nan ta.
Sr. Rino Hermans a bisa cu e por ta trankil ya cu e departamentonan cu ta duna asistencia ta riba un nivel acceptabel y nan por handle cualkier situacion cu yega Aruba. Atrabes di Media pa keda conscientisa e pueblo y pa esunnan cu no ta sigui prensa den e buki di telefon tin con pa prepara pa horcan. Pero esun mas importante pa Departamento di Calamidad ta pa traha un plan di famia. Paso Pais Aruba tin un plan con ta handle un situacion si e yega. Pero cada famia mester traha un plan. Pero si bo sa e debilidad di bo plan di bo cas, traha un compromiso cu famia pa tur bin hunto pa e momento dificil cu lo pasa aden. Traha un plan y esaki lo sacabo for di e situacion cu lo bira un tiki fastioso, segun Sr. Rino Hermans, di Departamento di Calamidad.