Departamento Impuesto ta keda cera na Savaneta te cu proximo aviso

Departamento di Impuesto no por duna servicio di caha na Oficina di gobierno na Savaneta debi cu ainda no a finalisa e trabounan riba e sistema di airco.
Manera a wordo informa anteriormente, debi na ladronicia di e tubonan di koper, a causa cu e airco no ta funciona. Departamento di Impuesto a spera cu e trabounan di reparacion lo a wordo finalisa den 2 dia pero esey no ta e caso.
Mientrastanto Departamento di Impuesto ta keda cera na Savaneta te cu proximo aviso.
Gerencia ta pidi disculpa na su clientenan pa e situacion inespera aki.

Comments

comments