Diamars atardi Departamento di Salud Publico a tene un corto conferencia di prensa riba e situacion di Covid19 na Aruba, aumento den casonan positivo, atencion pa cuido y prevencion di mas caso.
Manera anuncia, Aruba a conoce awe 110 caso positivo di cual solamente 1 ta di un persona no residencia na Aruba. Esey kiermen cu 109 caso ta di personanan residencia na Aruba. Tambe Aruba a conoce awe un persona mas cu a fayece por medio di Covid19, haciendo esaki awor 50 persona total cu a fayece di e virus aki na Aruba. Dvg no por bisa cu e cifranan di awe ta un sorpresa mirando cu tabata tin dianan di fiesta tras di lomba y hopi aglomeracion di hende, dus a anticipa esaki trempan.
Departamento di Salud a subraya cu tin personanan canando awor den nos comunidad cu nos a cu tin e virus, pasobra no ta cada un di nos ta experiencia e virus den mesun manera. Tin di nos ta bira hopi malo, y tin di nos cu sintomanan ta hopi leve. Tin personanan cu por ta no a desaroya e sintomanan ainda, p’esey tur persona mester proteha nan mes y proteha otro mas hopi cu ta posibel di tur proteccion necesario pa asina yuda reduci e transmision.
Den e dianan cu ta sigui, a base di e resultado, lo conclui si Aruba ta den un di tercer ola.