Despues cu awe mainta un tip valioso a keda entrega na Departamento di Salud Publico. Nos inspector di seccion Warenkeuring en Hygiëne di DVG a sali pa haci inspeccion riba un container di webo cu segun informacion ta contene webo daña.
A resulta cu e tip cu DVG a ricibi tawata uno veridico. E container cu DVG su inspector a logra topa cu ne enberdad tawata contene webo cu lamentablemente tawata daña. DVG mesora a pone beslag riba e container y a duna instruccion pa esaki wordo destrui.
No ta conosi pa DVG cuanto webo daña por a subi mercado prome cu awe 7 di mei, pa cual motibo ta informa y alerta comunidad pa ta conciente na momento di cumpra y/of come webo.
Por detecta un webo daña door di:
1. Buta esaki den un glas cu awa, si e webo flota ta indicacion cu e webo no ta bon.
2. Holor, webo daña ta hole stinki.
3. Textura, si na momento di habri e webo eta hopi awa of tin descoloracion eno ta bon.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na [email protected]
