Jurette Croes di salubridad publico durante conferencia di prensa a presenta nan campaña pa Carnaval 65, unda e carnaval aki ta priminti di bira un grandi y pa e motibo ey departamento di salud publico kier a haci algo special. A aserca diferente fundacion cu durante temporada di carnaval ta activo pa hunto haci algo grandi. Sra Croes a informa di biaha cu nan campaña ta yama Mi Escogencia a tin Consecuencia, y kier a pone e enfoke riba e escogencia na momento cu bo bay haci cualkier actividad of algo ta bon pa bo haci escogencia responsabel di ora e consecuencia despues ta uno positivo y no lamentabel.
Durante e campaña aki ta bay conscientisa riba e uso di condoom pa prefeni enbaraso no plania y malesanan transmiti sexualmente y nos lo enfoca riba e uso di sunblock, earplugs, bril di solo y no bebe alcohol y core auto.
Como departamento di salubridad publico nos tarea ta semper na trata cuida e salud di nos comunidad y p’esey a bin cu e campaña aki y enfoke tabata uni diferente fundacionnan cu otro. Nos di departamento di salud publico lo enfoca riba e uso di earplugs na aruba nos no tin un sistema ainda caminda ta regula e zonido den carnaval, nos tur sa cu e sonido ta hopi duro y ora bo ta den un zonido duro pa un temporada hopi largo esaki ta haci daño na nos oido. E daño no ta keda haci mes ora, e motibo ta cu a cuminsa haya informacion for di FEPPO cu nan ta mirando personanan na edad hopi jong ta cuminsa perde nan oido.
Pa loke ta sunblocks tambe Salubridad Publico lo bay enfoca na Aruba cancer di cuero ta e cancer number uno y p’esey ta hopi importante cu durante carnaval no solamente pa e expertadornan pero tambe pa e participantenan pa usa sunblock cu ta e 30spf of mas. Uso di un bril di solo cu ta proheta nos bista di rayonan ultra fioleta.
Como regaldo nos ta bay reparti dos mil tas, den e tas ta bay haya regalo di e diferente fundacionnan cu ta un sunblocks, earplugs, bril di solo, condom, foyeto di informacion, sticker di amigo didi, potlood y e tasnan aki no lo wordo duna na mucha pero hobennan 16 aña bay ariba.