En bista cu temporada di vakantie ta den porta, Departamento di Relacionnan Exterior di Aruba (DBB) ta considera importante pa informa viaheronan, particularmente esnan di nacionalidad Hulandes, di e diferente opciónnan pa preveni cualkier inconveniencia y asina por disfruta di un vakantie placentero pa henter famia.
Den plano internacional por nota cu tanto den nos region di Caribe, Latino- y Centro America y Europa, e menasa di terrorismo y/of atentando, atraco arma etc. ta aumentando y sa resulta cu viaheronan ta bira victima. Por sosode tambe cu accidentalmente por perde paspoort y otro documentonan valioso.
Di acuerdo cu nos Statuut (Art. 3, inciso 1 b), e relacionnan exterior di e paisnan di Reino (Hulanda, Aruba, Curacao y Sint Maarten) ta competencia di Reino Hulandes y ta resorta bao di e Ministerio di Relacionnan Exterior di Hulanda (Buitenlandse Zaken). E ministerio aki, pa medio di e red di Embahadanan rond mundo ta brinda asistencia consular na ciudadanonan di Reino cu ta hayanan confronta cu situacionnan di emergencia y/of crisis den exterior.
Reisadvies (Conseho di viahe)
Pa facilita e acceso na asistencia consular, Ministerio di Relacionnan Exterior (BZ) a introduci un Reis-App. E App aki ta contene informacion valioso y practico ora di planea bo vakantie. Riba e App ta wordo emiti un asina yama Reisadvies of conseho di biahe valido pa un destinación determina. Cu un reisadvies, e viahero lo por tuma medidanan preventivo prome y durante di su biahe. Mester menciona si cu un reisadvies no ta algo obligatorio y cu na tur momento, e ta keda na discreción di e viahero y e tour-operator MES si e ta desea di continua cu e biahe.
Den e reisadvies BZ ta informa, entre otro, encuanto regionnan peligroso; kico e biahero mester tene cuenta cun’e y na cua areanan ta ser desconseha pa viaha. Tur esaki tin como obhetivo pa e biahero tene debido cuenta cu e riesgonan pa su seguridad cu por varia di criminalidad pisa (atraco y secuestro), desaster natural of actonan di guerra.
Via e siguiente linknan por haya mas informacion encuanto di e topiconan aki:
https://www.nederlandwereldwijd.nl/reizen/reisadviezen
https://www.nederlandwereldwijd.nl/documenten/vragen-en-antwoorden/wat-betekenen-de-kleurcodes-bij-reisadviezen
https://www.nederlandwereldwijd.nl/documenten/vragen-en-antwoorden/is-een-reisadvies-bindend
Registra via email of download e Reis-App pa keda bon informa:
Den caso di biahe, ta consehabel pa registra pa keda na altura di posible cambio den e status di seguridad di e destinación cu kier bishita. Tin dos opcion di registro: basico y amplio. Tur dos opcion ta manda informacion ora di crisis pero e opcion amplio ta ser usa mas ora cu e biahero ta fisicamente na e destinación. Den casonan asina, BZ lo por tuma acción mas dirigi.
https://www.nederlandwereldwijd.nl/contact/24-7-bz-informatieservice
https://www.nederlandwereldwijd.nl/documenten/vragen-en-antwoorden/wat-staat-er-in-de-24-7-bz-reisapp
Diferente idioma riba e website:
E website di BZ tin varios opcion di idioma. Además di Hulandes, Ingles, Papiamento y Papiamentu, tambe tin e opción di idioma di seña na Hulandes.
Saca copia di documentonan importante:
Hopi biaha, ni maske con cuidadoso un persona ta, por sosode cu e ta perde su paspoort
(accidentalmente of door di ladronicia), esaki ta afecta e ambiente di vakantie negativamente. Pesey ta recomendable pa saca copia di documentonan importante, especialmente paspoort y tin esey warda den un emailadres cu ta accesibel for di cualkier computer/Tablet/celular. Esaki lo facilita e trabou di Embahadanan di Reino ora cu mester reemplaza un paspoort perdi.
Reino Hulandes tin un red di 150 post mundialmente cu lo por brinda asistencia 24/7. Pa mas informacion encuanto e ubicacion di postnan por bishita e siguiente link:
https://www.rijksoverheid.nl/documenten/brochures/2013/05/22/poster-postennetwerk
Cera un seguro di viahe:
Ta importante pa semper sera un seguro di biahe prome cu biaha pa exterior. E seguro di AZV no ta cubri e biahero den exterior y esey ta hasi cu un seguro ta crucial den temporada di vakantie.