Na aña 2007 a cuminsa cu un proyecto nobo pa Wit Gele Kruis pa loke ta controla oido di nos babynan pa cual aki Sra. Linda Croes ta splica con cos a bay den 10 aña y kico a ser haci despues di 10 aña.
Na 2005 un comision a cuminsa cu e planificacion aki, y cu ayudo di Hulanda, e tempo ey un motor grandi tabata Sra. Mika Koufman. Tabata tin hopi mas motornan y na aña 2007 tabata cla pa cuminsa cu e control di oido di nos babynan. A cuminsa e tempo ey cu screeners, y den e grupo aki tin algun cu tin 10 aña caba den e parti di screening.
Na Aruba actualmente tin dos persona, cu a bin specialmente bin y train, y reautorisa e screenersnan tambe. Esaki cu ta wordo haci tur aña y e ta un necesidad y un exigencia pa e screenernan tambe, pa asina keda optimalisa e calidad di e screening.
Sra. Linda Croes ta sigui splica cu un siman cu ta hopi intensivo pa e screenernan. A cuminsa dia 15 di Mei cu e training. E ta un training basta pisa, e screenernan ta ervar esaki hopi bon y nan ta hopi motiva. Trainernan tambe ta hopi motiva y dedica cu esaki. Y nan ta bay culmina e siman diabierna cu un toets, unda cu e screenernan lo wordo examina den e parti aki.
Tambe den e parti di 10 aña di e neonatale screening na Aruba, diaranson nan a organisa un simposio cu a bay hopi bon, segun Sra. Linda Croes, un sala yen y interes grandi di publico pafo. E oradonan tambe tabata super bon y e aña aki a pone e topico di e simposio, e importancia di e prevencion, dus di e parti unda di e belang di e intervencion, cu ta hopi necesario ora cu cuminsa trata un mucha trempan caba cu tin problema cu oido.