Director di Departamento di Labor y Investigacion ta ricibi conseho di Comision di Retiro cu ta delibera ariba tur peticion di retiro entrega na Departamento di Labor y Investigacion pa un of mas doño di trabao cu e meta pa por ricibi un permiso pa termina un relacion di trabao cu un of mas trahado.
Un comision independiente cu ta consisti di representantenan di organisacion di doño di trabao y representantenan di e mundo di sindicato (Artikel 3 Landsverordening Beëindiging Arbeidsrelatie).
Na tur cliente di Departamento di Labor y Investigacion cu tin caso relaciona cu e permiso aki ta anuncia cu e Comision di Retiro ta bay cu vacacion di 15 December 2016 te cu 17 di Januari 2017.
Tur Peticion pa por termina un relacion di trabao ta keda den proceso. Casonan cu ta rekeri pa bay Comision di Retiro y ku ta pendiente di e proceso di contradeci (verweerproces) lo mester tene cuenta cu un retraso den esaki.
Lo entrega tur caso pendiente den luna di Januari 2017 n’e Comision di Retiro.
Otro anuncio
Tambe Director di Departamento di Labor y Investigacion ta informa cu en conexion cu dianan di fiesta venidero, lo acepta peticionnan relaciona cu werkboek y lo procesanan te cu dia 15 di December 2016.
Januari 3 di 2017 lo cuminsa ricibi y procesa werkboek normalmente bek.
Departamento di Labor y Investigacion ta pidi disculpa pa cualkier inconveniencia.
Departamento di Labor y Investigacion ta desea pueblo di Aruba un feliz y saludabel dianan di fiesta.