Si esnan cu ta kere cu otro aña e sticker lo keda oranje cu berde esaki no lo ta e caso. E stickernan di impuesto riba vehiculonan di motor lo bay tin otro color, den e caso aki cora cu blauw pa aña 2017, segun vocero di Departamento di Impuesto, Meverly Romano.
Na momento cu un persona caba di paga su ultimo kwartaal, e regla ta cu e tin cu kita esun oranje, e ta pega e berde.
No ta intencion pa core cu tur dos color riba e windshield. Na momento cu paga e belasting full aña of esun cu ta paga e ultimo kwartaal, lo mester kita esun oranje y pega e berde di forma cu e berde so ta keda visibel.
Pa otro aña ta bay tin dos otro color, manera ya menciona anteriormente, cual ta cora cu blauw.
E aña alo tabata tin oranje cu berde, e otro aña ta bay ta cora cu blauw. Awor aki no por mustra un muestra di esey, pasobra no a ricibi nan ainda, pero dentro di poco lo bay ricibi e stickernan. Pa loke ta trata e plachinan di number di e brommernan, eseynan ta bay bira geel cu preto. E fondo geel y e numbernan preto. E aña aki e tabata berde cu blanco. Otro aña lo ta geel cu preto. Esey ta e cambionan cu lo bay tin pa otro aña. Pa loke ta trata e plachinan di number pa e vehiculonan di motor cu no ta brommer, ta keda uza e mesun blauw cu blanco cu ta uzando awor aki y esey ta e mesun plachi cu lo sigui uza den 2017.