WASHINGTON, D.C., Washington – Funcionarionan di e Departamento di Husticia y FBI ta trahando pa obtene e aprobacion cu ta permiti e Buro pa haci un buskeda completo di e emeilnan recientemente descubri di e asesora di Hillary Clinton, Huma Abedin, fuentenan cu conocemento di e tema a bisa CNN.
Abogadonan di Gobierno tin planea pa busca un orden di registro di un hues cu ta permiti investigadonan revisa miles di mensahe di e email den e computer cu Abedin tabata comparti cu su ex casa Anthony Weiner, funcionarionan a bisa.
Tin mester di un orden nobo pasobra e autorisacion existente ta relaciona solamente cu e investigacion den e curso na Weiner, kende ta wordo acusa di tin comunicacion sexualmente explicito cu un menor di edad.
E tema ta complica, debi cu ainda por invoca e privilegio conyugal manera recurso legal.
E abogadonan di Abedin no a responde na e solicitudnan di comentario.
Investigadonan di e oficina di FBI na new York cu ta haciendo e investigacion riba Weiner a dal aden cu e mensahenan di e email di Abedin, mientras cu nan tabata revisando email y otro comunicacionnan den e computer, cu ta wordo considera cu ta pertenece na Weinter, funcionarionan a bisa. Nan a stop nan trabao y a yama un ekipo di FBI cu a conduci na e caso di e server di email electronico priva di Clinton.
Investigadonan a mira lo suficiente di e mensahenan di email como pa determina cu parce pertinente pa e investigacion anteriormente completa y cu kisas no a wordo revisa previamente.
E funcionarionan di FBI ainda no sa cuanto di e mailnan aki ta e mesun cu ya nan a revisa como parti di e investigacion riba e server di email di Clinton y si algun di nan por tin informacion clasifica.
Investigadonan ta kere cu ta probable cu e hayasco ta inclui mensahenan cu a wordo elimina for di e server di Clinton, prome cu FBI a tuma posesion di dje como parti di e investigacion.
Fuente: CNN en Español