Departamento di Enseñanza di Aruba lo bin cu e programa di orientacion pa implementa na scolnan. Aworaki nan ta reuni cu directiva di scolnan, pa traha den conhunto cu cabesante, docente y hunto cu e scolnan, ta bay cu e mayornan na cas tambe, pa brinda mas apoyo y guia na e muchanan. Sra. Gina Ras Coordinador di Seccion di Guia di Departamento di Enseñanza ta desaroya.
CAMBIO
Cambionan ta tuma luga cu e programa aki , unda cu e lesnan ta cuminsa wordo duna di diferente manera cu sistemanan mas interactivo caminda cu nan ta uza e idiomanan den un manera mas eficiente tambe pa mucha siña. Siña loke ta importante den e tempo aki.
Lo uza diferente tipo di material cu ta wordo uza, pero e material cu lo uza ta inclui un variedad di bukinan den tur e 4 idiomanan, Papiamento, Hulandes, Ingles y Spaño. Ta importante pa compronde cu e idioma materno di cada mucha ta e base pa e mucha siña otro idioma.
IMPLEMENTACION
E meta ta aproba y loke a drenta na vigor ta e plan di implementacion, pero esaki no kier men cu mañan nan lo t’ey na scol caba, sino cu e plan ta cuminsa cu orientacion unda cu tur hende envolvi ta bay tin e tempo pa compronde e tipo di enseñanza nobo aki cu nan ta bezig cun’e, y kico departamento di enseñanza ta pidi di nan pa por haci den un manera responsabel.
IMPLEMENTACION
Ta keda busca pa implementa for di awo, aña pa aña na scolnan den un forma cu comunidad lo por custuma cu e sistema di enseñanza aki den beneficio di nos muchanan y lo tene cuenta cu cada scol tambe, segun Sra. Gina Ras- Kock, Coordinador di Seccion di Guia di Departamento di Enseñansa.