Ministerio di Cultura a tene un presentacion di e Fiesta di San Juan pa muchanan di kleuter y scolnan basico na Aruba. E presentación ta for di dia 12 te cu 22 di juni na Cas di Cultura, pa un siman completo. Sr. John Flemming, di Departamento di Cultura ta splica.
E actividad aki ta tuma luga cu dos funcion diario. E prome funcion for di 8:30 te cu 10:00 or di mainta y 10:30 pm te cu 12:00 di a nochi. For di aña 1998, Departamento di Cultura a inicia esaki cu un proyeto di e grupo di musico Kakiña di Instituto di Cultura cu a realisa e di prome bishita na Rosa College. A pidi permiso pa bin toca den conexion cu e fiesta di San Juan.
Asina e proyecto a incia cu otro scolnan a tende y a haci peticion pa Departamento di Cultura hunto cu grupo Kakiña, a keda duna show pa conmemora fiesta di historia di San Juan den e scolnan bou auspicio di diferente Ministernan di Cultura.
Semper ta bishita scolnan y despues ta trece actividadnan varia unda cu entre otro a yega di bay balia, toca y tambe haci donacion di caha di material pa e mesun muchanna por hunga y haci nan mesun fiesta di San Juan dia 24 di Juni na scol. Despues door cu e diferente gastonan y huur autonan ta bira hopi anto y no por alcansa tur scol.
P’esey a dicidi di bin Cas di Cultura, caminda cu e sigur den cada presentación tin rond di 500 mcuha, cu hopi alegria, entusiasmo y sinta den airco. E gastonan a baha tambe, ya cu ta solamente bus y tambe Cas di Cultura.
A bin cu e idea aki cu tin 3 aña caba y tur biaha e presentacion ta basa riba e historia di con Aruba tabata celebra San Juan antres. Tambe e muchanan ta ricibi un foyeto informativo di San Juan. Tambe e hobennan ta bin acercanan pa presenta nan proyectonan cu e intencion pa participa den e celebracion aki.
Como Presidente di e comision di e celebracion di dianan Nacional Sr. Flemming ta invita na tur e clubnan y gruponan cu ta celebra den nan bario, pa tuma contacto cu Departamento di Cultura y entrega nan carta cu e peticion pa haya nan subsidio pa organisa e evento den nan bario. Tambe por bay DOW pa haya e tentnan y pa lanta baricada.
San Juan ta wordo celebra tur aña y e aña aki, e ta cay ariba un diadomingo, dia 24 di juni. No tin motibo cu no por celebra na grandi. E biaha aki tambe ta bay reconoce un di organizadonan den bario cu e aña aki ta bin cu esaki atrobe. Esaki ta un programa pa muchanan cu ta gozando y ta bon hinca den otro caminda cu tin e apoyo di tanto brandweer cu ta conscientisando e muchanan di e peliger di candela. Departamento di Cultura tambe kier conscientiza a base di e weganan. Muchanan ta sali cu nan mayornan, ta keda pusha esaki, fiesta di San Juan ta mantene como un di e fiestanan di mas grandi na Aruba, cu ta e unico di e islanan A, B y C cu ta celebra e fiesta aki, segun Sr. John Flemming, di Departamento di Cultura.