Departamento di Cultura taa completamente cla pa e actividad pa Dia di Betico. Sr. Stanley Dabian ta splica mas di e actividad aki.
Diaranson awo lo ta celebrando Dia di Betico y pa 5 or di atardi lo cuminsa cu e parti protocolario caminda lo toca e himno di Aruba y lo tin e ofrenda floral. Tambe lo tin discursonan di parti di famia y tambe Minister President. Asina ta cera e parti protocolario. Pa entretene e publico lo tin Sr. Etty Toppenberg y su grupo.
E anochi cultural lo cuminsa e anochi cultural cu lo cuminsa for di 6 or. Lo tin Caha di Orgel, Grupo Danza Aruba, Natusha Croes, Gucci Dancers, Gilia Croes tambe un grupo di Gang di Arte, I am You. Tambe lo tin e pianista Jonathan Ortega, cual lo toca 2 cancion. E tumberitonan ganado, tanto infantil como hubenil tambe lo duna nan presentacion.
Lo tin tambe un presentacion di gimnasia ritmico, y e ganadonan di e composicion infantil y hubenil. Lo tin presentacion di Fastest Vargus y su grupo y baile di Coco Rico Dancers. E lo ta bay ta un anochi bunita y lo cera den un anochi di Carnaval. Animacion lo ta den man di Sr. Jean Carlo Espinal.
Lo bay tin standnan di cuminda, bebida y tambe di artesania.
Pa cera e anochi, lo tin presentacion di Tsunami. Departamento di Cultura ta invita pueblo di Aruba en general pa bin celebra den famia un dia grandi aki, manera ta e Dia di Betico.