Relaciona cu investigacion cu a haya e nomber di “HEIDE” a dicidi di post y detene cumpradonan y a base di nan declaracion a yega asina leu di a detene e personanan cu ta biba na e cas den Heidestraat cu ta bende droga for di dicho adres. Departamente di crimen organisa conhuntamente cu otro departamento nan hudicial a detene den total 5 cumprado y 6 persona cu ta biba na dicho adres.
E personanan deteni ta R.J.A. T. naci na Aruba. 4 december 1986, M.C. K. naci na Aruba, dia 6 december 1989, R. A. T. naci na Aruba. 17-11-1987, G. T. naci na Aruba, dia 30-09-1950, M.I. R casa cu T. naci na Aruba dia 30-10-1959 y A. R. K. naci na Aruba, dia 15-01-1960.
Door di e situacion na e cas a dicidi di hiba un baby di apenas 5 luna cu ayudo di personal di Slachtofferhulp na Voogdijraad.
E teamnan cu tambe a traha den e investigacion ta FlexTeam, Afpakteam, K-9 en Maritiem Politie, Douane y personal districto di Noord. Diferente sorto di droganan a wordo tuma den beslag entre otro marihuana, cocaina y MDMA.
Mester bisa tambe cu a haci uso di Team di Aresto pa haci e detencionan aki riba menciona. Door di personalnan di Afpakteam a tuma 4 vehículo, 1 scooter y cantidad considerabel di placa den beslag.
Conhuntamente cu diferente departamentonan hudicial y instancianan nos lo sigui combati crimen riba nos isla.